8. Bjørn Sivertson
Vestersjø f. ikr. 1667, son av Sivert Osmundson Vestersjø, overtar Kaltveit etter verfar sin Markus Olson. Bygselbrev på 1 1. 18 m. sm. i Kaltveit får han av Ola Asgautson Hidle 12. juli 1713. Husa var då til nedfalls så Bjørn får åbotspengar for å setja dei i stand att, for løa 4 rd., fehuset 2 rd., eldhuset 4 rd., sengebua 2 rd., røykstova ½ rd. og sauhuset 2 rd.
Bjørn Sivertson hadde tent som soldat i 14 år. Han vart i 1698 g. m. Ingeborg Markusdtr. Kaltveit. Dei busette seg først på Hetletveit på Ombo. Kom så i 1713 til Kaltveit. Bjørn Kaltveit døydde i 1733. Barn:
a.Markus Bjørnson f. ikr. 1702, gift 1727 med Karen Jakobsdtr. Sørtveit i Nedstrand, budde der.
b.Sjur Bjørnson f. 1712, gift 1. g. 1739 med enka Marta Toresdtr. Klungtveit, budde der nokre år. I 1746 gifter han seg 2. g. m. Kari Svensdtr. Baustad, budde med henne som husmann u. Sørtveit (Kaihagen). Det var broren Markus som då var bonde på Sørtveit. Tilslutt kom Sjur og kona til Vestersjø og fekk ein plass der.
c.Bjørn Bjørnson f. 1714, bonde Kaltveit (nr. 9).
d.Sofie Bjørnsdtr. d. e. g. 1730 m. Bjørn Olson Furre, budde på Vatnaland i Bokn.
e.Anna Bjørnsdtr. f. ikr. 1710, var vel den Anna Bjørnsdtr. som var gift med Osmund Jonson Bjerga.
f.Ingeborg Bjørnsdtr. f. 1716.
g.Eli Bjørnsdtr. f. 1719, g. m. Knut Ånonson Vatland (sjå Bandeberg nr. 13).
h.Sofie Bjørnsdtr. f. 1721, g. m. Knut Knutson Vatland.
Som enke på Kaltveit brukte Ingeborg Markusdtr. garden til 1739. Ho vart siste året ho brukte garden stemnt til tings av futen fordi ho hadde halde dugnad på ein laurdag. Det var imot sabatsforordninga, folk skulle koma utsovne til kyrkja om søndagen og det var det så ymse med etter ein dugnaddag.